Arsh Siddiqui
bandha hai ahd-e-junun chashm-e-etibar ke saath
use kaho ki jiye azm-e-ustuvar ke saath
na ho saki kabhi taufiq darguzar ki use
na chal sake kabhi ham ḳhud bhi eqtidar ke saath
faqih-e-shahr se kahna ki dil kushada rakhe
mila hai mansab-e-a.ala jo iḳhtiyar ke saath
nishan-e-naqa-e-laila pahunch se duur nahin
kabhi chalo to sahi do qadam ghubar ke saath
tamam-umr raha vo rahin-e-minnat-e-ghair
use to marna bhi aaya nahin vaqar ke saath
azal se ‘arsh’ ik avargi nasib men hai
hava-e-dasht ko nisbat nahin qarar ke saath
Leave a Reply