Ye Aaj Aae Hain Kis Ajnabi Se Des Mein Hum

ye aaj aa.e haiñ kis ajnabī se des meñ ham

taḌap ga.ī hai nazar chashm-e-āshnā ke liye

vo haath jin se thā kal chaak dāman-e-aflāk

vo haath aaj uThāne paḌe duā ke liye

ye maiñ ne maanā judā.ī mirā muqaddar hai

magar ye baat na muñh se kaho ḳhudā ke liye

ye rāh-rau the kabhī rāh-e-zindagī kā surāġh

ye rāh-rau ki bhaTakte haiñ rahnumā ke liye

Leave a Comment