ruḳh pe bhuli hui pahchan ka Dar to aaya
kam se kam bhiiḌ men ik shaḳhs nazar to aaya
na sahi shahr-e-aman zehan ka kuufa hi sahi
ghor jangal ki masafat men nagar to aaya
kaT gaya mujh se miri zaat ka rishta lekin
mujh ko is shahr men jiine ka hunar to aaya
mere siine ki taraf ḳhud mire naḳhun lapke
aḳhir is zaḳhm ki Tahni pe samar to aaya
kuchh to so.e hue ehsas ke baazu thirke
ab ke paani ka bhanvar ta-ba-kamar to aaya
band kamre ki umas kuchh to shanasa nikli
sub.h ke saath ka bhaTka hua ghar to aaya
tan ki miTTi men uga zahr ka pauda chup-chap
mujh men badli hui duniya ka asar to aaya
Leave a Reply