Fuzail Jafri
ruḳh havaon ke kisi samt hon manzar hain vahi
Topiyan rang badalti hain magar sar hain vahi
jin ke ajdad ki mohren dar-o-divar pe hain
kya sitam hai ki bhare shahr men be-ghar hain vahi
phuul hi phuul the ḳhvabon men sar-e-vadi-e-shab
sub.h-dam rahon men jalte hue patthar hain vahi
naav kaghaz ki chali kaaTh ke ghoḌe dauḌe
sho.abda-bazi ke sach puchho to daftar hain vahi
bik ga.e pichhle dinon sahib-e-alam kitne
ham faqiron ke magar ‘ja.afari’ tevar hain vahi
Leave a Reply