Rukh-E-Raushan Pe Safa Lot Gai

rukh-e-raushan pe safa lot gai

zulf par kaali bala lot gai

sun ke gulshan men mire nala-o-ah

bulbul-e-naghma-sara lot gai

us but-e-mast pe mai-khane men

dukhtar-e-raz ba-khuda lot gai

ham na marte us ada par lekin

paanv par aa ke qaza lot gai

tang huun apni tabiat se main

jo hasin is ko mila lot gai

ai ‘sakhi’ khuub ghazal tu ne kahi

sun ke tab-e-shoara lot gai

Leave a Comment