poet

Ruh Ko Rah-E-Adam Mein Mera Tan Yaad Aaya

ruuh ko rah-e-adam men mira tan yaad aaya

dasht-e-ghurbat men musafir ko vatan yaad aaya

chutkiyan dil men mire lene laga nakhun-e-ishq

gul-badan dekh ke us gul ka badan yaad aaya

vahm hi vahm men apni hui auqat basar

kamar-e-yar ko bhule to dahan yaad aaya

barg-e-gul dekh ke ankhon men tire phir gae lab

ghuncha chatka to mujhe lutf-e-sukhan yaad aaya

dar-ba-dar phir ke dila ghar ki hamen qadr hui

rah-e-ghurbat men jo bhule to vatan yaad aaya

aah kyuun khench ke ankhon men bhar aae aansu

kya qafas men tujhe ai murgh-e-chaman yaad aaya

phir ‘amanat’ mira dil bhuul gaya aish o tarab

phir mujhe rauza-e-sultan-e-zaman yaad aaya

More Poems

Leave a Comment