poet

Hasil Us Mah-Laqa Ki Did Nahin

hasil us mah-laqa ki diid nahin

iid hai aur ham ko iid nahin

chhed dekho ki khat to likkha hai

mere khat ki magar rasid nahin

jante hon umid-var mujhe

un se ye bhi mujhe umiid nahin

yuun taraste hain mai ko goya ham

pir-e-mai-khana ke murid nahin

khuun ho jaaen khaak men mil jaaen

hazrat-e-dil se kuchh baiid nahin

aao mere mazar par bhi kabhi

kushta-e-naz kya shahid nahin

ham to mayus hain magar ‘bekhud’

dil-e-na-fahm na-umid nahin

More Poems

Leave a Comment