Alamtaab Tishna
dard ki ik lahr bal khati hai yuun dil ke qarib
mauj-e-sar-gashta uThe jis tarah sahil ke qarib
ma-siva-e-kar-ah-o-ashk kya hai ishq men
hai savad-e-ab-o-atish dida-o-dil ke qarib
dard men Duubi hui aati hai avaz-e-jaras
giriya-e-gum-gashtagi sunta huun manzil ke qarib
aarzu nayaft ki hai silsila-dar-silsila
hai numud-e-karb-e-la-hasil bhi hasil ke qarib
kuchh to ai nazzargan-e-aish-e-sahil boliye
kashtiyan kitni huiin gharqab sahil ke qarib
hai abhi vamandgi ko ik safar darpesh aur
hai abhi uftad-e-manzil aur manzil ke qarib
rang-e-hasrat ka tamasha dekhna tha gar tumhen
raqs-e-aḳhir dekhte tum aa ke bismil ke qarib
hain vo sab ’tishna’ sar-e-manzil amir-e-karvan
jo mile the karvan se aa ke manzil ke qarib
Leave a Reply