roz vahshat koi nai mire dost
is ko kahte hain zindagi mire dost
alam ehsas agahi mire dost
saari baten hain kaghzi mire dost
dekh iz.hariye badal gae hain
ye hai ikkisvin sadi mire dost
kya charaghon ka tazkira karna
raushni ghut ke mar gai mire dost
haan kisi alamiye se kam kahan hai
miri halat tiri hansi mire dost
saath dene ki baat saare karen
aur nibhae koi koi mire dost
itni galiyan ug aaiin basti men
bhuul baitha tiri gali mire dost
lazmi hai khirad ki bedari
niind lekin kabhi kabhi mire dost
Leave a Reply