safar ke saath safar ki kahaniyan hongi
har ek moḌ pe jadu-bayaniyan hongi
gharib-e-shahr suḳhan-ashna ko tarsenge
ham ahl-e-gham ke liye gham ki vadiyan hongi
tamam rasta kanTon bhara hai soch bhi le
qadam qadam pe yahan bad-gumaniyan hongi
bane bana.e hue raston ko DhunDenge
vo jin ke saath men murda nishaniyan hongi
ragon se dard ka rishta bhi chhuT ja.ega
phir is ke ba.ad sulagti ḳhamoshiyan hongi
Leave a Reply