rafia-shabnam-abidi

Roz Uthta Hai Dhuan Koh-E-Nida Ke Us Par

roz uthta hai dhuan koh-e-nida ke us paar

chand chup-chap sulagta hai faza ke us paar

bhiig jaati hai ye maasum si dharti har subh

kaun rota hai batao to ghata ke us paar

sarhad-e-jism se aage had-e-imkan se pare

shahr-e-jan rahta hai divar-e-ana ke us paar

nekiyan bantte rahne ki saza lazim hai

paara paara hai badan ku-e-jaza ke us paar

main ki manjdhar men huun kaun nikale ‘shabnam’

chhup gaya vo to kahin mujh ko bula ke us paar

More Poems

Leave a Comment