Suleman Khumar
roz o shab is soch men Duuba rahta huun
gham ko pa kar bhi main kitna tanha huun
alsa.e maazi ke sukhe peḌ-tale
chhanv ki ummid laga.e baiTha huun
abr-e-gurezan mujh par bhi bas ek nazar
raah men teri sadiyon pyasa sahra huun
mujh se ruuTh ke duur na ja paoge tum
main charon janib huun ufuq tak phaila huun
tanha.i men jab dam ghuTne lagta hai
teri tahriron ka amrit piita huun
kyuun tu mujh ko galiyon galiyon DhunDe hai
main tera saaya huun tujhi men rahta huun
Leave a Reply