ro kar nasib-e-ishq ko barsat bhi ga.i
bhaḌka ke aag bhigi hui raat bhi ga.i
le ḳhud-nigar chale tiri mahfil se uTh ke ham
tujh se to mil ke ishq ki auqat bhi ga.i
kuchh aap mast-e-naz the kuchh ham ghayur the
thoḌi bahut jo thi vo mulaqat bhi ga.i
kya jaane kis umiid pe hai intizar ab
halanki vo umid-e-mulaqat bhi ga.i
murjha chala hai aḳhri taara bhi ai ‘shahab’
so ja.iye ab aap ki ye raat bhi ga.i
Leave a Reply