Ro Chale Chashm Se Girya Ki Riyazat Kar Ke

ro chale chashm se girya kī riyāzat kar ke

āñkheñ be-nūr haiñ yūsuf kī ziyārat kar ke

dil kā ahvāl to ye hai ki ye chup-chāp faqīr

lag ke dīvār se baiThā tujhe ruḳhsat kar ke

itnā āsāñ nahīñ paanī se shabīheñ dhonā

ḳhud bhī ro.egā musavvir ye qayāmat kar ke

sarfarāzī use baḳhshī hai jahāñ ne mutlaq

daar tak pahuñchā agar koī bhī himmat kar ke

Leave a Comment