rifaqat ki ye ḳhvahish kah rahi hai
ka.i din se vo mujh men rah rahi hai
pukara hai kuchh aise naam mera
ragon men raushni si bah rahi hai
ta.ajjub hai ki meri ungliyon men
tiri hathon ki ḳhushbu rah rahi hai
samajh paaya nahin par sun raha huun
vo sargoshi men kya kya kah rahi hai
tiri ḳhvahish kisi imkan ki surat
hamesha mujh men tah-dar-tah rahi hai
main us ki chhanv men huun ‘turk’ lekin
vo meri dhuup kaise sah rahi hai
Leave a Reply