ret ki tarah kinaron pe hain Darne vaale
mauj-dar-mauj ga.e paar utarne vaale
aaj kanTon se gareban chhuḌa.en to sahi
lala-o-gul pe kabhi paanv na dharne vaale
ruup se chhab se phaban se koi agah nahin
naqsh-kar-e-lab-o-ariz hain sanvarne vaale
koi jiine ka saliqa ho to main bhi janun
maut asan hai mar jaate hain marne vaale
mere jiine ka ye uslub pata deta hai
ki abhi ishq men kuchh kaam hain karne vaale
Leave a Reply