rava-ravi men gulon ki bahar kya dekhen
chaman chaman hai ḳhizan darkinar kya dekhen
nava-e-soz-e-fughan sho.ala-bar kya dekhen
jahan-e-husn men ik ḳhalfashar kya dekhen
har ek rang men ye markaz-e-ham-o-gham hai
ma.al-e-hasti-e-na-pa.edar kya dekhen
vo log jo ki ma.al-e-chaman se vaqif hain
ḳhizan-nasib gulon ki bahar kya dekhen
vo chaar tinke nasheman ke kya bache honge
chaman pe barq giri laakh baar kya dekhen
nazar fareb hai ‘jauhar’ ye karobar-e-jahan
farogh-e-mah o gul-e-mushk-bar kya dekhen
Leave a Reply