La-Ilmi

mire kamre ki almari

bhari hai jin kitabon se

main un ko rose padhti huun

main lafzon men chhupi targhib ke lahje samajhti huun

khubi kuchh lainon ke darmiyan maujud matlab ko

varaq pe likh ke apne paas yuun mahfuz karti huun

ki jaise mahiyat lafzon ki saari jaan li main ne

zara sa ghaur karne par haqiqat yuun khuli mujh par

ki jo bhi ilm sikha hai

faqat ye ilm deta hai

ki main la-ilm huun ab tak

Leave a Comment