Ashfaq Nasir
ta.eron ki uḌaan men ham hain
is khule asman men ham hain
aḳhir-e-kar hijr ḳhatm hua
aur pas-mandgan men ham hain
kyuun na ho ḳhauf-e-inhidam-e-dil
isi ḳhasta makan men ham hain
ham faqat teri guftugu men nahin
har suḳhan har zaban men ham hain
aur koi nazar nahin aata
is zamin asman men ham hain
kya dua ki qubuliyat ‘ashfaq’
sab ke vahm-o-guman men ham hain
Leave a Reply