Poet
ik lahr uThi gham ki dil men ummid ka daman chhuT gaya
ro ro ke arman kahte hain dil TuuT gaya dil TuuT gaya
gar naach rahe hain mor to kya karta hai papiha shor to kya
main janm jali fariyad karun mira piritam mujh se ruuTh gaya
barbadi-e-dil ka afsana ham kis se kahen aur kaise kahen
jab sunne vaala koi nahin jab dil hi apna TuuT gaya
zaḳhmon pe mire jo hanste hain duniya vaale gham us ka nahin
ai kaash bura ho is dil ka jo bhedi ban kar luuT gaya
Leave a Reply