Ishq Ka Koi Khair-Khwah To Hai

ishq ka koi khair-khvah to hai

tu nahin hai tiri nigah to hai

arz-e-gham kyuun na un se kar dekhun

ab bhi thodi si rasm-o-rah to hai

zindagi ik siyah raat sahi

ashiqi ik charagh-e-rah to hai

roz-o-shab ki haqiqaten maalum

ik tamasha-e-mehr-o-mah to hai

tab-e-jalva mujhe nahin na sahi

lekin ik jurat-e-nigah to hai

aur iqbal-e-jurm kya ho ‘shakil’

thartharate labon pe aah to hai

Leave a Comment