naala karna ki aah karna
dil men ‘asar’ us ke raah karna
kuchh ḳhuub nahin ye teri baten
har-chand mujhe nibah karna
tera vo jaur ye mira sabr
insaf se Tuk nigah karna
kya lutf hai le ke dil mukarna
aur ulTe mujhe gavah karna
rahmat ke huzur be-gunahi
mat shaiḳh ko ru-siyah karna
ji ab ke bacha ḳhuda ḳhuda kar
phir aur buton ki chaah karna
kya kahiye ‘asar’ to aap Tuk dekh
yuun haal apna tabah karna
Leave a Reply