Pagal

Abbas Tabish

vo aaya shahr ki taraf

ik us ki chaap ki khanak

qayam-e-roz-e-ishq ki pukar thi

ki barg-o-bar-e-khak ka fishar thi

vo aaya shahr ki taraf

lapak ke iint ki taraf

vo is tarah badha ki jaise nan-e-khushk par koi

sag-e-gurasua gir pade

vo galiyon bhari zaban gali gali chhalak padi

har ek jeb us ki ungliyon se taar taar thi

ki us ki thuthni se phutti gamak

qiyam-e-roz-e-ishq ki pukar thi

vo galiyon bhari zaban mira libas gandagi se bhar gai

na jaane kitne log

us ke dast-e-dashna-dar se guzar gae

hayat paar kar gae

vo be-hunar subuk-tani se dar gaya

sab us ki rah se hat gae

to us ne apni ruuh ki barahnagi

zamin-e-mah ki taraf uchhal di

ki ye hunar usi ka tha