raushni ban kar bikharne ke liye
zindagi hai ishq karne ke liye
ungliyon ko ham qalam karte rahe
chahaton men rang bharne ke liye
toḌ Daala hai ḳhud apne aap ko
ek ghar ta.amir karne ke liye
a.ine men ru-ba-ru tha ajnabi
aaj jab socha sanvarne ke liye
main vazifa paḌh rahi huun rat-din
aap ke dil men utarne ke liye
janti huun ik bahana chahiye
aap ko mujh se mukarne ke liye
Leave a Reply