main use dekh rahi huun badi hairani se
jo mujhe bhuul gaya is qadar asani se
khud se ghabra ke yahi kahti huun auron ki tarah
khauf aata hai mujhe shahr ki virani se
ab kisi aur saliqe se satae duniya
ji badalne laga asbab-e-pareshani se
tan ko dhanpe hue phirte hain sabhi log yahan
sharm aati hai kise soch ki uryani se
ai falak chhod de be-yar-o-madadgar hamen
dam ghuta jaata hai ab teri nigahbani se
main use khvab samajh sakti huun lekin ‘amabar’
lams jaata nahin us ka miri peshani se
Leave a Reply