isi duniya men duniya.en hamari bhi basi hain
ravish se siḌhiyan marmar ki paani men ga.i hain
mahal hai aur sulagta uud hai aur jhaḌ-fanus
lahu se mushk a.aza se shua.en phuTti hain
tamanna ke jazire asmanon men bane hain
mire charon taraf lahren isi janib uThi hain
ye kaisi dhuup aur paani men afza.ish hui hai
bahishti Tahniyan is oḌhni se jhankti hain
hamara naam bhi bara-dari par naqsh karna
ye saari jaliyan ham ne nigahon se buni hain
Leave a Reply