Koi Qusur Nahin Meri KHush-Gumani Ka

koī qusūr nahīñ merī ḳhush-gumānī kā

asar hai ye tirī āñkhoñ kī be-zabānī kā

kisī ne merī mohabbat ko kar liyā mahfūz

ḳhayāl aayā kisī ko to pāsbānī kā

barā.e naam sā pul bhī nahīñ banā mujh se

ki kuchh ilaaj nahīñ thā tirī ravānī kā

hamāre dil kā alamnāk daur hai shāyad

samajh rahe haiñ jise khel sab javānī kā

vo dāstān mukammal kare to achchhā hai

mujhe milā hai zarā sā sirā kahānī kā

Leave a Comment