Sabiha Saba
jo bhi hoga vaar dekha jaega
gham na kar gham-khvar dekha jaega
kis tarah manva liya jaae tujhe
ai mire fankar dekha jaega
chal diye to phir kahin rukna nahin
rasta dushvar dekha jaega
intizar ab to nahin hai intizar
ai dil-e-bezar dekha jaega
hijr ke sahra ka aisa zikr kya
ai shab-e-bedar dekha jaega
vaqt karta hai ‘saba’ kuchh faisle
vaqt ko har baar dekha jaega
Leave a Reply