Poet
suni suna.i vo avaz mar hi jaane do
sadi ka gham hai to lamhe bikhar hi jaane do
main apni jaan ki baazi laga.e baiTha huun
har ik bala mire sar se guzar hi jaane do
lahu ke chhinTon se ho ja.egi faza gulnar
hamare siine men ḳhanjar utar hi jaane do
ye intishar ka aalam ye pur-ḳhatar mahaul
azizo kakul-e-giti sanvar hi jaane do
tumhen bhulane se dil ko sukun milta hai
tum apni yadon ke ye zaḳhm bhar hi jaane do
‘habab’ sab ke liye ek dars-e-ibrat hai
use bhi chand ghaḌi ko ubhar hi jaane do
Leave a Reply