ghuncha-e-dil mira kha kar gul-e-ḳhandan mera
bu-e-gul sa hai udata mujhe janan mera
apni garmi se barishta hua husn-e-ruḳh-e-yar
lala-rang atish-e-gul se hai gulistan mera
kabhu guzra tha koi abla-pa dekh vafa
rove ab lag hai lahu ḳhar-e-bayaban mera
ishq ḳhurshid-ruḳhon se jo kiya main ne junun
daagh juun sub.h hua chak-e-gareban mera
kimiya husn ki hai munh to zara us ko laga
jam-e-mai se bhi gaya kya dil-e-giryan mera
chor kar dil ko inayat kiya sangin dushnam
shishe ko tod ke patthar diya tavan mera
qatl-e-‘uzlat’ se na munkir ho ki gul ke manind
lab pe hansta hai tire ḳhun-e-numayan mera