Fariha Naqvi
raund paa.e na dala.el mere
mere dushman bhi the qaa.el mere
saaf dikhti thi jalan ankhon men
phir bhi honTon pe faza.el mere
ye tahi fikr kun.en ke menDak
ye na samjhenge masa.il mere
chhanv dete the magar raah nahin
peḌ the raste men haa.el mere
aankh ab ḳhvab nahin de sakti
raushni maang le saa.il mere
jab talak haath tire haath men hai
hausle honge na zaa.il mere
us ne paas aa ke ‘farihe’ bola
gir ga.i haath se file mere
Leave a Reply