kuchh bhi nahin hai kya pas-e-divar dekhna
saa.e ko Dubte hue har baar dekhna
aurat huun meri maan ne sikhaya ki umr bhar
a.ina ban ke a.ina-bardar dekhna
ye soch kar hi main ne jalaya nahin charagh
kya raushni ko barsar-e-paikar dekhna
main to charagh-e-shab thi chalo bujh ga.i magar
tum to sahar ke ḳhair se asar dekhna
jab e’tibar-e-dida-e-dil uTh gaya to phir
kya rah gaya hai yar-e-tarah-dar dekhna
‘zaryab’ kya ḳharidne nikli ho dhuup men
kya garmiyon men garmi-e-bazar dekhna
Leave a Reply