Poet
jaari hai kab se ma.arka ye jism-o-jan men sard sa
chhup chhup ke koi mujh men hai mujh se hi ham-nabard sa
jaate kahan ki zer-e-pa tha ek bahr-e-ḳhun-kinar
uḌte to bar-e-sar bana ik dasht-e-laj-vard sa
kis chandni ki aankh se bikhri shafaq ki ret men
moti sa Dhal ke gir paḌa shaam ke dil ka dard sa
nazuk labon ki pankhuḌiyan tharthara tharthara ga.iin
tez-rau bad-e-dard thi chehra tha gard gard sa
mehndi rachi bahar ka angan ḳhushi se bhar gaya
mehman hai ghar men aaj vo chand sunahra zard sa
dekha to ahl-e-shahr sab us ko hi lene aa.e the
ik ajnabi jo saath tha raah men kam-navard sa
kis dast-e-naz men ‘zafar’ a.ina-e-vajud tha
bikhra huun ka.enat men har samt fard fard sa
Leave a Reply