ahmad-ameer-pasha

Ratjagon Ki Saltanat Taskhir Kar

ratjagon ki saltanat taskhir kar

kuchh diye ka naam bhi tahrir kar

hai hisar-e-zat ke bahar shikast

tu mire andar mujhe taamir kar

furqaton ka zahr mujh ko pach gaya

gardish-e-dauran miri tauqir kar

ya badan ki qaid se azad kar

ya kisi gham se mujhe zanjir kar

khvab ankhon men agar rakkhe hain tu

phir hatheli par bhi kuchh tahrir kar

kuchh diye ke dukh suna mujh ko ‘amir’

kuchh hava ke naam bhi tahrir kar

More Poems

Leave a Comment