Pritpal Singh Betab
raston raston bhaTakta huun
jaane kis ki talash karta huun
haar jaata huun shaam hone tak
apne saa.e se roz laḌta huun
zindagi dekh main tiri ḳhatir
roz kis kis tarah se marta huun
meri hijrat hi meri fitrat hai
roz basta huun roz ujaḌta huun
sub.h-dam sab udharne lagte hain
ḳhvab jo raat raat bunta huun
vahime palta huun main ‘betab’
aur parchha.iyon se laḌta huun
Leave a Reply