Rahat Indori
ja ke ye kah de koi shoalon se chingari se
phuul is baar khile hain badi tayyari se
apni har saans ko nilam kiya hai main ne
log asan hue hain badi dushvari se
zehn men jab bhi tire khat ki ibarat chamki
ek khushbu si nikalne lagi almari se
shahazade se mulaqat to na-mumkin hai
chaliye mil aate hain chal kar kisi darbari se
badshahon se bhi phenke hue sikke na liye
ham ne khairat bhi mangi hai to khuddari se
Leave a Reply