Subodh Lal Saqi
kisi nai ruuh ko jismi qaba.en bheji hain
dua.en mangi thiin lekin dava.en bheji hain
jahan pe koi ma.ani nahin the lafzon ke
ḳhamosh ham ne vahan par sada.en bheji hain
na jaane kaun si duniya se barha kis ne
ajab zaban men kuchh ittila.en bheji hain
mazaq uḌaya hai mausam ne tishna-kami ka
baghair paani kai kaali ghaTa.en bheji hain
kisi se daulat-e-gham aaj tak nahin banTi
hamesha chiTThi men dil-kash katha.en bheji hain
kahan kahan tire kafar ne sar jhukaya hai
kahan kahan se muqaddas dua.en bheji hain
Leave a Reply