maimoona-abbas-khan

Dhund Ke Par

dhund ke pare ik din

raushni ke haale men

vo mujhe nazar aaya

jaise devta koi

muntazir ho daasi ka

main ne ru-ba-ru ho kar

us se iltija ki thi

doge raushni apni mustaar leni hai

har taraf andhera hai

mezbani karni hai

kuchh kharab halon ki

ruuh ki kasafat ka

dil pe bojh hai jin ke

chand zakhm aise hain

jo ki bhar na paenge

gar nahin mile un ko

raushni ke ye haale

meri baat sun kar vo

muskura ke bola tha

be-niyaz shahzadi

jaan kyuun nahin letin

raushni ka rauzan to

sirf tum se khulta hai

dhundlata har manzar

is liye to vazeh hai

jhilmilati ye kirnen

tum se hi to phuti hain

khud ko jod lo khud se

raushni to tum se hai

More Poems

Leave a Comment