Sufi Tabassum
ilaj-e-dard-e-dil-e-sogvar ho na saka
vo gham-navaz raha gham-gusar ho na saka
bahut dikha.e nigah ne tilism-e-rangini
ḳhizan pe mujh ko guman-e-bahar ho na saka
junun ne laakh kiya chaak jeb-o-daman ko
ye raz-e-ishq magar ashkar ho na saka
ata kiya jise tu ne gham-e-mohabbat-e-dost
vo dil asir-e-gham-e-rozgar ho na saka
vo mujh pe lutf-e-mukarrar ke muntazir hi sahi
ye zikr mujh se magar baar baar ho na saka
Leave a Reply