Poet
raste ziist ke dushvar nazar aate hain
log ulfat se bhi bezar nazar aate hain
jis ko dekho vo ḳharidar hua hai un ka
har taraf misr ke bazar nazar aate hain
bal hai abru pe nazar tez ḳhuda ḳhair kare
aaj kuchh hashr ke asar nazar aate hain
manzil-e-ishq ki rahen hain bahut hi dushvar
har qadam par na.e azar nazar aate hain
kya kahun ik tire jalve ke muqabil ai dost
chashm-o-dil donon hi bekar nazar aate hain
yaad aa jaate hain vo jab bhi hamen ai ‘jauhar’
har taraf matla-e-anvar nazar aate hain
Leave a Reply