raste men to ḳhatrat ki sun-gun bhi bahut hai
manzil pe pahunchne ki hamen dhun bhi bahut hai
har shahr men taaza hai to bas zaḳhm-e-ta.assub
kuchh lazzat-e-nahaq ka ta.avun bhi bahut hai
kuchh hathon se kuchh maton se kalak nahin jaati
har chand ki bazar men sabun bhi bahut hai
vo haath tahaffuz ki alamat jise kahiye
mahsus ye hota hai vahi sun bhi bahut hai
ik jism ke manind hain ham log kahin hon
Thokar se ukhaḌta hai to naḳhun bhi bahut hai
ham sher kaha karte hain vijdan ke bal par
kuchh logon ko zo.am-e-fa.ilatun bhi bahut hai
Leave a Reply