Sabahat Urooj
raste laakh sahi koi bhi rahbar na lage
ye bhi mumkin hai ki dar va ho magar dar na lage
ajnabi log hain us paar ki basti men magar
mujh ko is paar bhi apna to koi ghar na lage
aise bichhḌa ki zamane se vo lauTa hi nahin
hai dua aise parinde ko kabhi par na lage
ab ki DhunDungi Thikana main koi dasht ke paas
yuun sar-e-am tamashe ka jahan Dar na lage
aks hai aks are us ka taqaza bhi samajh
aankh shishe ka muqaddar hai to patthar na lage
Leave a Reply