Balwan Singh Azar
log bhuke hain bahut aur nivale kam hain
zindagi tere charaghon men ujale kam hain
bad-suluki bhi nikal aa.i hai zindanon se
bad-zabanon ki zabanon pe bhi taale kam hain
mai-kashi ke liye nayab hain jo sadiyon se
chashm-e-saqi ne vahi jaam uchhale kam hain
tu ne buzdil to bana.e hain bahut se lekin
mire malik tiri duniya men jiyale kam hain
rah-e-pur-ḳhar se Darta hai abhi tu ‘azar’
aisa lagta hai tere paaon men chhale kam hain
Leave a Reply