Zubair Ali Tabish
raste jo bhi chamak-dar nazar aate hain
sab teri oḌhni ke taar nazar aate hain
koi pagal hi mohabbat se navazega mujhe
aap to ḳhair samajhdar nazar aate hain
main kahan ja.un karun kis se shikayat us ki
har taraf us ke taraf-dar nazar aate hain
zaḳhm bharne lage hain pichhli mulaqaton ke
phir mulaqat ke asar nazar aate hain
ek hi baar nazar paḌti hai un par ‘tabish’
aur phir vo hi lagatar nazar aate hain
Leave a Reply