Furqat Ki Shab Faza Pe Udasi Muhit Hai

Poet

furqat ki shab faza pe udasi muhit hai

gulzar par hava pe udasi muhit hai

maghmum mah-o-gul hain pareshan hai chandni

fitrat ki har ada pe udasi muhit hai

taare chamak rahe hain par apne ḳhayal men

taron ki kul ziya pe udasi muhit hai

aa jaao ab ḳhuda ke liye bahr-e-ittisal

mamura-e-vafa pe udasi muhit hai

‘az.har’ ko aaj dekh to lo dosto zara

dil se siva qaba pe udasi muhit hai