kya tum bhi tariqa naya ijad karo ho
ḳhud apna bana kar mujhe barbad karo ho
rakkho ho har ik baar fasane ko adhura
kab apne sitam shamil-e-rudad karo ho
lagta nahin dilchasp jo shirin ka fasana
kyuun zikr-e-vafa koshi-e-farhad karo ho
pal bhar ko tumhen ham se bhulaya nahin jaata
bhule se kabhi tum bhi hamen yaad karo ho
dekho ho kabhi aa ke ye virani-e-dil bhi
ankhen miri ḳhvabon se jo abad karo ho
Leave a Reply