Poet
ranj-o-gham laakh hon muskurate raho
dost dushman se milte milate raho
ye andhere hain mehman ik raat ke
tum magar sub.h tak jagmagate raho
main bhulane ki koshish karunga tumhen
tum mujhe roz-o-shab yaad aate raho
raah ke pech-o-ḳham ḳhud sulajh ja.enge
su-e-manzil qadam ko baḌhate raho
abr ban kar baraste raho har taraf
umr shadabiyon ki baḌhate raho
maut aa.e to ḳhamosh kar ja.egi
zindagi giit hai is ko gaate raho
taza-dam mujh ko rakhna hai ‘hafiz’ to phir
har qadam par mujhe azmate raho
Leave a Reply