Obaidur Rahman
baḌe hi naaz se laaya gaya huun
main kandha de kar uThvaya gaya huun
farishto yuun na mujh se pesh aao
sandesa bhej bulvaya gaya huun
ḳhabar jis ki thi vo saare manazir
qarib-e-marg dikhlaya gaya huun
ganva.i zindagi ki sub.h kaise
ba-vaqt-e-sham batlaya gaya huun
jahan se paa.i hai sab ne fazilat
usi kuche se main aaya gaya huun
mile bhar bhar ke sab ko jaam lekin
main ik qatre ko tarsaya gaya huun
ba-zahir to gira.i ik imarat
darun-e-zat men Dhaya gaya huun
‘obaid’ is baat ki mujh ko ḳhushi hai
main duniya se alag paaya gaya huun
Leave a Reply