vahi shikasta cycle vahi udaas zindagi
tire liye to kuchh nahin hamare paas zindagi
ye koh-o-dasht-o-rahguzar DhunDte rahe tujhe
kise ḳhabar ki hai kahan tira nivas zindagi
ajiib mas.alon men hai hayat-e-javidan miri
yaqin la-vajudiyat magar qayas zindagi
tujhe to sabz jangalon ki rang-o-bu se vasta
tiri giraft men kahan ye sabz ghaas zindagi
hamen bhi ghun laga ga.i umid-e-be-karan tiri
tujhe bhi chaTti rahi hamari aas zindagi
Leave a Reply