Naseem Nikhat
ab apne darmiyan shishe ki ik divar baaqi hai
mire dukh aur tira na-mo’tabar kirdar baaqi hai
idhar dinar-o-dirham aur udhar tera phaTa daman
mire yusuf tujhi se garmi-e-bazar baaqi hai
hamare sar qalam hote hain ham bai’at nahin karte
ki ham logon men ab bhi jur.at-e-inkar baaqi hai
badalte vaqt ne sab kuchh badal Daala magar ḳhush huun
mira lahja vahi hai aur mira me.aar baaqi hai
Leave a Reply